Suurkohlpott plattdüütsch

Nich nur in Bayern kennt un ätt man Suurkohl, ook in Oostfreesland is Suurkohl wat feines un elkun een maag Äten ut Suurkohl. Ook wenn dat Rezept n’bietje verwegen is. Door seggt wi Oostfreesen denn „Well’t lieden maag…

Hier dat Rezept föör jo :

250gr Kassler

350gr Suurkohl

500gr Tuffels

3 Appels

1Zieppel

Solt

So woord dat maakt:

Kassler mit Bunken in bietje’t Water ca 10 Minüten garen, dorna in Würfel schnieden und in een Pott doon. Suurkohl un in Dobbel’s schneden Tuffel’s schichtwiess in de Pott doon un de lüttje sneden Appel’s un de Ziepel dor to doon. Vielliecht. een bietje Solt tofögen. Ungefähr 30-40 Minüten garen laten.

Up Disch doon un upäten.

To drinken paßt am beste een Beer. ( Stuurkoppen könn’t dat ja mal mit een Riesling probeeren)

Roode Göört plattdeutsch

Is nich in Oostfreesland utfunnen worden, man ook wie Oostfreesen sünt so richtige Lekkerbecken, man maag Roode Göört ook hier bi uns.

Un dat bruuk’t ji dorto:

1 l Saft van Haantjebeeren (viellicht. mit Albejensaft mischen)

Zitronensaft

125 gr Sago

Sago ungefähr 30 Minüten in’t Saft quellen laaten, denn paar Minüten düchtig dörkoken laten, un bietje Zitronensaft dar to doon. In een koolt utgespölte Förm doon un kolt worden laten.
Mit Vanillesoße oder (Schlaag-) Rohm serveren.

Gröönkohl up plattdüütsch

Man bruukt:

1 kg Gröönkohl

3 EL Hafergört

100 g Swienfett

1 TL Zucker

1 EL Mustert (middelscharp)

3 groot Ziepels

so ungefähr ½ l Water

5oo g dörwussen rökert Speck

4 lüttje Pinkels

Solt un Pepper

De Kohl ofstriepen un en paarmaal good wasken. 5 Minüten koken. Denn good utdrücken un heel fien snieden. Fett in en Pott heet maken un de würfelt Ziepels andünsten. Denn de Kohl mitdünsten. Speck, Mustert, Hafergört un Zucker togeven un Water upgeten.

All tosamen sowat 1 ½ bit 2 Stünnen koken laten. Wenn de Kohl infroren weer, geiht dat wat feller. In de lest halv Stünn de Pinkels mitkoken. Mit Solt un Pepper ofsmecken. Daarto worden Solt- of Braadtuffels un inleggt Kürbis eten.

Bohnensalaat up plattdüütsch

Jij bruukt dorvöör:

  • 1 kg gröön of geel Salaatbohntjes
  • ¼ l dick suur Rohm
  • 2 EL Zucker
  • 2 EL Etig
  • en bietje Solt
  • Schnittlauch

Salaatbohnen ströpen, in Soltwater weekkoken un in en Dörslag ofköhlen laten. Ut Rohm, Zucker, Etig, Solt un Schnittlauch en krüdergen Stipp maken, over de Bohnen geten un good dörtrecken laten.

Oostfreeske Knüppeltort up plattdüütsch

Man bruukt för de Pannkookjes:

  • 8 Eier
  • ¼ l suur Rohm
  • 100 g Zucker
  • 150 g Mehl
  • Botter of Magarien to Backen

Man bruukt för de Füllung:

  • 300 g Zucker
  • 125 g Orangeat of Zitronat
  • Saft van 2 Zitronen
  • 250 g mahlen Mandels
  • dat Binnerste van een Vanilljeschote
  • 2 cl Rum

Un för boven d’rup:

  • 3 – 4 EL Aprikosenmarmelaad
  • 1 EL Rum
  • 30 g röst Mandelbladen
  • 1/8 l Rohm

För de Pannkookdeeg Eigeel un Rohm verröhren, na un na Zucker un Mehl d’rbidoon. Dat mutt en gladden lobbergen Deeg worden. In en Pann Botter smelten un lüttje Pannkookjes mit en Dörmeter van ruugweg 8 cm bruun backen.
För de Füllung Orangeat of Zitronat fien würfeln. In en Pott Zucker un Zitronensaft heet maken un so lang röhren, bit sük de Zucker uplööst hett. Denn de Pott van de Ovend nehmen un Orangeat of Zitronat, Mandels, Vanilljemark un Rum unnerröhren. En Tortenring up en Kokenplaat stellen un een Schicht Pannkookjes so up de Baam leggen, dat daar nix freei blifft. Denn daar en bietje Füllung up verdelen. Nu immer ofwesselnd Pannkookjes un Füllung schichten, tolest mutt en Schicht Pannkookjes komen. De Knüppeltort ofdecken un over Nacht in d‘ Köhlschapp stellen.

För Bovenup in en Pott Aprikosenmarmelaad un Rum heet maken. De Tortenring ofnehmen un daar de Tort van boven un rundherum mit inpinseln. De Tortenrand mit Mandelbladen bestreien un boven Rohmpuffjes upsprützen.

 

Rezeptquelle: Hanne Klöver: Ostfriesland kocht. Verlag Soltau Kurier-Norden, 2004.

Bildquelle: Ostfriesland.de